وزیر اعلیٰ پنجاب کی ہدایات کے مطابق کمشنر لاہور کے ہسپتالوں کی ڈیپ کلیننگ، ستھرا پنجاب کے تحت ہر ایریا کی صفائی کے حوالے سے اضلاع کے دورے جاری ہیں۔ کمشنر لاہور ڈویژن مریم خان نے ضلع قصور کا دورہ کیا۔ کمشنر لاہور نے ہیلتھ فسیلیٹیز کی جامع صفائی آپریشنز کیلئے مریم نواز آر ایچ سی گنڈا سنگھ کا دورہ کیا۔ اس موقع پر ڈی سی قصور آصف رضا بھی ہمراہ موجود تھے۔ سی ای او ہیلتھ قصور اور مریم نواز ہیلتھ کلینک انچارج ڈاکٹر نے بریفنگ دی۔ کمشنر لاہور نے ہیلتھ سنٹر میں طبی خدمات فراہمی، ادویات دستیابی و مفت فراہمی سمیت دیگر سہولیات کا معائنہ کیا انہوں نے ڈیوٹی روسٹر کے مطابق سٹاف کی حاضری کو چیک کیا اور خصوصی طور پر واش رومز صفائی کا جائزہ لیا۔ کمشنر لاہور نے مریم نواز ہیلتھ کلینک گنڈاپور میں موجود مریضوں سے مفت ادویات فراہمی بارے استفسار کر کے اطمینان کا اظہار کیا۔کمشنرلاہور نے ہدایات دیتے ہوئے کہا کہ ہسپتالوں کی روٹین صفائی ہسپتال اوقات سے پہلے مکمل ہونی چاہئیے، ہیلتھ فسیلیٹیز کی ڈیپ کلیننگ کے بعد صفائی صورتحال کو باقاعدگی سے قائم رکھا جائے۔ 
بعد ازاں کمشنر لاہور نے ستھرا پنجاب کے تحت صفائی صورتحال جائزہ کے لئے رسول پورہ مصطفی آباد و مان گاؤں گنڈا سنگھ کا دورہ کیا۔کمشنر لاہور نے انتظامیہ کو ہدایات دیتے ہوئے کہا کہ رورل ایریاز کی صفائی و نالیوں کی ڈی سلٹنگ شیڈول کے مطابق باقاعدگی سے کریں، رورل ایریا و گاوں کے کنارے کوڑے کے ڈھیر نہ لگنے دیں ون ٹائم سب کو کلیر کروائیں۔ کمشنر لاہور نے مزید کہا کہ شیڈول کے مطابق ہر ایریا صفائی پر مکمل فوکس کریں اور پبلک فیڈبیک ضرور لیں۔
