اڑتالیسویں 48 ویں اسپیشل ٹریننگ پروگرام کے 55 رکنی وفد نے پنجاب ریونیو اتھارٹی کا 2 روزہ مطالعاتی دورہ کیا۔چیئرمین پنجاب ریونیو اتھارٹی معظم اقبال سپرا نے محکمانہ ورکنگ اور ٹیکس قوانین سے متعلق بریفنگ دی۔ زیر تربیت افسران کو پنجاب میں ڈیجیٹل ٹرانسفارمیشن اور ٹیکس اصلاحات بارے آگاہ کیا گیا۔چیئرمین پی آر اے کا کہنا تھا کہ پنجاب میں انفورسمنٹ میکنزم اور محصولات کولیکشن میں اصلاحات سے مثبت نتائج سامنے آئے۔ اصلاحاتی منصوبوں سے رواں سال کی پہلی ششماہی میں ریکارڈ محصولات جمع کیے گئے۔ گزشتہ سال کی نسبت ٹیکس کولیکشن میں 35 فیصد نمایاں اضافہ ریکارڈ ہوا۔ وفد ارکان نے پی آر اے کے ڈیجیٹل ریفارمز اور قوانین میں ترامیم کی سفارشات کو سراہا۔دور حاضر میں سرکاری سطح پر کیش لیس اکانومی کے عملی نفاذ کیلئے قوانین میں سہولت مثبت عمل ہے۔
