لینڈ یوز بلڈنگ کنٹرول اتھارٹی خیبرپختونخوا نے نقشہ جات کی فیسوں کا نیا شیڈول جاری کر دیا ہے۔سیکرٹری لوکل گورنمنٹ،الیکشن و رورل ڈویلپمنٹ خیبرپختونخوا کی جانب سے منظوری کے بعد نوٹیفکیشن جاری کیا گیا ہے۔جس کے مطابق بلڈنگ پلان منظوری و ریگولرائزیشن رہائشی فیس 10 روپے فی مربع سکوائر فٹ، کمرشل 20 روپے سکوائر فٹ مقرر کی گئی ہے۔زمین کے استعمال کی اجازت کی فیس رہائشی 2 ہزار روپے اور کمرشل 10 ہزار روپے ہوگی۔ہاؤسنگ سکیم کے لئے فیس ایک لاکھ روپے ہو گی۔تمام فیسیں LUBCAکے متعین کردہ اکاؤنٹ میں جمع کروائی جائیں گی۔کوئی خدمت اس وقت تک نہیں دی جائے گی جب تک مقررہ فیس پوری ادا نہ کر دی جائے۔نوٹیفکیشن صوبائی لینڈ یوز اینڈ بلڈنگ کنٹرول کونسل کے فیصلے کی روشنی میں خیبرپختونخوا بلڈنگ کنٹرول ریگولیشنز 2024 کے تحت جاری کیا گیا ہے۔
