پشاور کا میگا منصوبہ جنرل بس ٹرمینل پشاور تکمیل کے آخری مراحل میں داخل ہو چکا ہے۔ ڈائریکٹر جنرل (پی ڈی اے) شاہ فہد نے منصوبے کا دورہ کیا اور جاری کاموں کا تفصیلی جائزہ لیتے ہوئے مین ٹرمینل بلڈنگ میں ٹکٹ کاؤنٹرز کی تنصیب کا معائنہ کیا۔دیگر سہولیات جن میں ٹریول لاؤنجز، کیفے ٹیریا، کار پارکنگ، مسجد، بچوں کے لیے پلے ایریا، ڈرائیورز ریسٹ ایریا، دکانیں اور واش رومز شامل ہیں، تقریباً مکمل ہو چکی ہیں اور منصوبہ جلد آپریشنل ہو جائے گا۔ اس موقع پر ڈائریکٹر روڈز اور متعلقہ افسران بھی ان کے ہمراہ تھے۔ یہ پاکستان کا اب تک کا سب سے بڑا بس ٹرمینل منصوبہ ہے۔
