کمشنر پشاور ڈویژن کیپٹن (ر) خالد محمود نے رنگ روڈ پشاور کے اہم انڈرپاسز اور فلائی اوورز کو ایک ماہ کے اندر مکمل کرنے اور نادرن بائی پاس کے بقیہ حصوں پر کام تیز کرنے کے احکامات جاری کر دیے۔اجلاس میں جمیل چوک انڈرپاس، ہزار خوانی فلائی اوور، پشتخرہ چوک انڈرپاس اور حیات آباد ٹول پلازہ کے قریب زیرِ تعمیر انڈرپاس کی تکمیل پر زور دیا گیا، جبکہ چارسدہ روڈ اور ورسک روڈ پر نادرن بائی پاس کے لیے زیرِ تعمیر فلائی اوورز جلد مکمل کرنے کی ہدایت کی گئی۔کمشنر پشاور ڈویژن کے مطابق ان منصوبوں کی تکمیل سے رنگ روڈ سگنل فری ہوگا، ٹریفک کی روانی بہتر ہوگی اور شہر کی دیگر شاہراہوں پر ٹریفک کا دباؤ کم کرنے میں مدد ملے گی۔
کمشنر پشاور ڈویژن کیپٹن (ر) خالد محمود کی ترقیاتی منصوبوں کی بروقت تکمیل کی ہدایت
