کیپٹل میٹروپولیٹن کے زیر اہتمام یومِ استحصالِ کشمیر کے حوالے سے مزدوراتحاد کے چیئرمین قیصر باچہ کی قیادت میں ریلی

کیپٹل میٹروپولیٹن کے زیر اہتمام یومِ استحصالِ کشمیر کے حوالے سے مزدوراتحاد کے چیئرمین قیصر باچہ کی قیادت میں ریلی نکالی گئی جس میں ملازمین کثیر تعداد میں شرکت کیں ‘ اس موقع پر کیپٹل میٹروپولیٹن کے آفس سے باچا خان چوک تک ریلی نکالی گئی اور کشمیریوں کے حق میں نعرے لگائے گئے اس موقع پر مزدوراتحاد کے چیئرمین قیصر باچہ نے ریلی سے خطاب کرتے ہوئے کہاکہ مقبوضہ کشمیر کے نہتے مسلمانوں نے ظلم، جبر اور انسانی حقوق کی سنگین خلاف ورزیوں کے باوجود اپنے حقِ خود ارادیت کی جدوجہد کو ثابت قدمی اور حوصلے کے ساتھ جاری رکھا ہوا ہے انہوں نے کہاکہ یومِ استحصالِ کشمیر ہمیں یاد دلاتا ہے کہ جب طاقت کو قانون پر، جبر کو انصاف پر اور قبضے کو عوامی خواہشات پر مسلط کر دیا جائے تو قومیں اپنے بنیادی حقوق سے محروم ہو جاتی ہیں۔ انہوں نے مقبوضہ کشمیرکے عوام پر بھارت کے ظلم وستم خصوصاً گزشتہ سات سالوں سے بھارتی حکومت کی طرف سے یکطرفہ طور پر کشمیر کی خصوصی حیثیت کے خاتمے کی شدید الفاظ میں مذمت کیں۔