وزیرِ اعلیٰ پنجاب مریم نواز شریف کے ویژن کے تحت پنجاب ڈویلپمنٹ پروگرام کے سلسلے میں صوبائی وزیر بلدیات ذیشان رفیق نے میونسپل کمیٹی پسرور کا دورہ کیا۔اس موقع پر پارلیمانی سیکرٹری رانا فیاض، کمشنر گوجرانوالہ ڈویژن سید نوید حیدر شیرازی، اسسٹنٹ کمشنر پسرور اور دیگر آفسران بھی موجود تھے۔وزیر بلدیات پنجاب ذیشان رفیق نے ترقیاتی منصوبوں کا افتتاح کیا۔وزیر بلدیات کو جاری اسکیموں پر بریفنگ دی گئی۔وزیر بلدیات نے ہدایت کی کہ تمام منصوبے بروقت اور معیاری انداز میں مکمل کیے جائیں تاکہ شہریوں کو بہتر سڑکیں، سیوریج اور صفائی کی سہولیات فراہم کی جا سکیں۔پنجاب حکومت عوامی خدمت اور شہروں کی ترقی کیلئے عملی اقدامات جاری رکھے ہوئے ہے۔
