محکمہ بلدیات پنجاب نے ٹاؤن پلاننگ شعبہ کے اعلٰی افسران کے تقرروتبادلے کے احکامات جاری کئے ہیں۔محمد سلیم میٹروپولیٹن آفیسر پلاننگ بلدیہ عظمٰی لاہور کو ایم او پلاننگ میونسپل کارپوریشن گوجرانوالہ تعینات کر دیا گیا ہے۔ایم او پلاننگ گوجرانوالہ سیدہ شبنم نجف کو او ایس ڈی بنا دیا گیا ہے انھیں لوکل گورنمنٹ بورڈ رپورٹ کرنے کی ہدایت کی گئی ہے۔میٹروپولیٹن آفیسر آرکیٹیکٹ بلدیہ عظمٰی لاہور ڈاکٹر رائے امتیاز حسن کو ایم او پلاننگ ایم سی ایل کا اضافی چارج تفویض کیا گیا ہے۔سیکرٹری لوکل گورنمنٹ شکیل احمد میاں کی جانب سے نوٹیفکیشن جاری کر دیا گیا ہے۔
