محکمہ بلدیات پنجاب نے 4 افسران کو چیف آفیسر کی اضافی ذمہ داریاں سونپ دی ہیں۔سیکرٹری بلدیات و چیئرمین لوکل گورنمنٹ بورڈ کی جانب سے جاری نوٹیفکیشن کے مطابق شہیر گارلڈ چیف آفیسر میونسپل کمیٹی پیلاں ضلع میانوالی کو چیف آفیسر کندیاں کی خالی آسامی کا چارج تفویض کیا گیا ہے۔عنصر محمود چیمہ چیف آفیسر میونسپل کمیٹی فتح جنگ کو چیف آفیسر میونسپل کمیٹی حسن ابدال کا اضافی چارج سونپ دیا گیا ہے۔قاسم پرویز گوندل چیف آفیسر میونسپل جنڈ کو چیف آفیسر ایم سی پنڈی گھیب ضلع اٹک کا اضافی چارج تفویض کیا گیا ہے۔شبانہ رشید میونسپل آفیسر ریگولیشنز لیہ چیف آفیسر ایم سی لیہ کا اضافی چارج دینے کے احکامات جاری کئے گئے ہیں۔
