*وزیراعلیٰ پنجاب مریم نوازشریف کی گجرات سے ریکارڈ مدت میں سیلابی پانی کے نکاس پر ریسکیو ٹیم اور اداروں کو شاباش*

وزیراعلیٰ پنجاب مریم نوازشریف نے گجرات سے ریکارڈ مدت میں سیلابی پانی کے نکاس پر ریسکیو ٹیم اور اداروں کو شاباش دی ہے۔ وزیراعلیٰ مریم نواز شریف نے کہا کہ پانچ ستمبر کو گجرات کے دورے کے بعد پانچ شہروں سے واسا کی مشینری اور عملہ سیلابی پانی کے نکاس کے لئے مامور کیاگیا۔صرف چار دِن میں اداروں اور عملے نے دن رات کام کرکے عوامی خدمت کی نئی مثال قائم کی ہے۔ اللہ تعالی کا شکر ہے کہ گجرات میں زندگی معمول پر لوٹ آئی ہے ۔ وزیراعلیٰ مریم نواز شریف نے کہا کہ پنجاب کے دیگر علاقوں میں بھی خدمت کے اسی جذبے اور معیار سے کام کررہے ہیں ۔ تاریخ کا بدترین سیلاب بہت بڑا چیلنج ہے، اللہ تعالی کی مدد سے اس میں سرخرو ہوں گے ۔ عوام کی جان ومال، خوراک، علاج، رہائش پر کوئی سمجھوتہ نہیں ہوگا، ریسکیو کے بعد بحالی کا عمل بھی تیزی سے آگے بڑھے گا ۔ ریسکیو آپریشن میں شریک تمام اداروں کے افسران اور عملے نے دن رات محنت کی، یہ ہمارے ہیروز ہیں۔ وزیراعلیٰ مریم نواز شریف نے کہا کہ فصلوں اور دیگر نقصانات کا ازالہ کریں گے، عوام کو تنہا نہیں چھوڑیں گے ۔ ریسکیو کے بعد صوبے میں پلاننگ کے نئے عمل کا بھی آغاز کریں گے۔