لاہور میں سپلائی کے لیے تیار کی جانے والی جعلی ڈرنکس کی بڑی کھیپ پکڑی گئی، ڈی جی فوڈ اتھارٹی کے حکم فوڈ سیفٹی ٹیموں کا فیروزوالا میں گرینڈ آپریشن، 12ہزار 134 لٹر تیار جعلی کولڈ ڈرنکس،3200 ناقص بوتلیں، 80 کلو لیبل، 90 کلو چینی، کیمیکلز،فلیور تلف کی گئی جبکہ فلنگ مشین، 5سلنڈر، واٹر ٹینک اور 5 ڈرم ضبط کر کے مقدمہ درج کرو ادیا گیا، تفصیلات کے مطابق جعلسازی کا مکروہ دھندہ کرنے پر یونٹ کو جڑ سے اکھاڑ کرمالک کیخلاف مقدمہ درج کروا دیا گیا،
مختلف معروف برانڈز کی جعلی ڈرنکس کی تیاری کی جارہی تھی۔بغیر منظور شدہ فارمولا،نل کے پانی میں کیمیکلز ڈال کر جعلی کولڈ ڈرنکس تیار کی جا رہی تھی، یونٹ میں صفائی کے ناقص انتظامات،خام مال کھلا زمین پر رکھا گیا تھا۔جعلی محلول قوانین کے خلاف نیلے ڈرموں میں رکھا پایا گیا،خوراک کا کاروبار بغیر فوڈ اتھارٹی لائسنس چھپ کر کیا جارہا تھا۔ ڈی جی فوڈ اتھارٹی نے بتایا ویجیلنس ٹیم نے ریکی کر کے جعلی یونٹ کا پتہ لگایا، جعلی کولڈ ڈرنکس کا استعمال گردے اور جگر کو متاثر کرسکتا ہے۔ ڈی جی فوڈ اتھارٹی کا کہنا تھا خوراک کے نام پر جعلی کاروبار کرنے والوں کو ہر صورت پنجاب سے نکال بھگائیں گے۔وزیر اعلی پنجاب کی ہدایت پر پنجاب بھر سے صحت دشمن عناصر کا ہر حربہ ناکام بنا کر قلع قمع کیا جائے گا۔
