پنجاب کی تاریخ میں پہلی مرتبہ 41اضلاع میں واسا قائم ہوگئے۔ وزیراعلیٰ مریم نواز شریف نے خصوصی تقریب میں سیورجینٹک مشین، سیورسکر مشین اور دیگر گاڑیاں کا معائنہ کیا۔وزیراعلیٰ مریم نواز شریف نے سیوریج گاڑیوں کی چابی وزیرہاؤسنگ بلال یٰسین کے سپر د کی۔ وزیراعلیٰ مریم نواز شریف نے سیور مشینوں کی ورکنگ اورافادیت کے بارے میں دریافت کیا۔ وزیراعلیٰ مریم نواز شریف نے سیور مشینوں اور گاڑیوں کے ڈرائیوروں کو شاباش دی اور عوام کی خدمت کی تلقین کی۔ وزیراعلیٰ مریم نواز شریف نے واسا پنجاب کو فنکشنل کرنے پر صوبائی وزیر بلال یٰسین، سیکرٹری ہاؤسنگ نورلاامین مینگل اور ٹیم کو بھی شاباش دی۔ صوبائی وزیر بلال یٰسین نے وزیراعلیٰ مریم نواز شریف کو واسا پنجاب سیوریج فلیٹ پر بریفنگ دی۔ بریفنگ میں بتایا گیا کہ واسا پنجاب سیوریج فلیٹ کے پہلے فیز میں 15اضلاع میں 552 گاڑیاں اور مشینیں دی جارہی ہیں۔ واسا پنجاب سیوریج فلیٹ میں سیوریج سکر مشین، سیور جینٹک مشین، ڈی سائیلٹنگ مشین، واٹر باؤزر اور دیگر جدید مشینری شامل ہے۔ مزید بتایا گیا کہ واسا پنجاب سیوریج فلیٹ میں ڈی واٹرنگ پمپ، واٹر باؤزر، ڈمپر، ٹرک کرین، لوڈر رکشہ بھی شامل ہوں گے۔ واسا پنجاب سیوریج فلیٹ فیز ون میں جہلم، گجرات، اوکاڑہ، حافظ آباد، سیالکوٹ، شیخوپورہ، ننکانہ، جھنگ اور ساہیوال میں جدید سیوریج مشینیں پہنچ گئیں اورراولپنڈی، فیصل آباد، سرگودھا، ملتان اور ڈیر ہ غازی خان میں بھی سیوریج مشینیں اور گاڑیاں مل گئیں۔ دوسرے مرحلے میں 22اضلاع میں 937 سیوریج مشینیں اور گاڑیاں دی جائیں گی۔ وزیراعلیٰ مریم نواز شریف نے گفتگو کرتے ہوئے کہا کہ پنجاب میں پہلی مرتبہ ضلع کی سطح پر سیوریج سروسز اور آپریشن شروع کیے جارہے ہیں۔ واسا پنجاب کے تحت سیوریج مشینوں کی فراہمی سے ماحولیات میں بہتری اور عوام کو آسانی ہوگی۔ اضلاع میں جدید ترین سیوریج مشینری کی فراہمی کا مقصد سیلابی اور بارشی پانی سے ہونیوالے نقصان اور تکلیف کا ازالہ ہے۔ ہر ضلع میں بارش کی صورت میں واسا جدید ترین مشینری اور آلات کے ذریعے فوری رسپانس کرے گا۔ عوام کی سہولت اور آسانی ہمارا نصب العین ہے۔ وزیراعلیٰ مریم نواز شریف نے کہا کہ مون سون سے قبل تمام شہروں میں نکاسی آب کے انتظامات کا عہد پورا کریں گے۔پورے پنجاب میں واسا کے قیام کا وعدہ پورا کر دیا۔
*وزیراعلیٰ پنجاب مریم نواز شریف نے لاہور میں واسا پنجاب سیوریج فلیٹ فیز ون کا افتتاح کر دیا۔*
