صوبائی وزیر برائے ہاؤسنگ بلال یاسین کی زیر صدارت اجلاس میں اہم فیصلے کیے گئے۔ سی ای او صاف پانی اتھارتی نے اجلاس میں جاری پراجیکٹس کی تفصیلات اور فریم ورک بارے بریفنگ دی۔ اضلاع میں جاری پراجیکٹس ، تحصیل سطح پر مانیٹرنگ فریم ورک تجاویز کا جائزہ لیا گیا۔صاف پانی اتھارٹی کمپلیکس اور ڈسٹرکٹ کمپلینٹ سنٹرز بنانے کا فیصلہ کیا گیا۔ اجلاس میں چھوٹے ڈیمز کی تعمیر کیلئے اگلے مالی سال میں بجٹ بڑھانے کی تجویز بھی پیش کی گئی۔ صوبائی وزیر بلال یاسین نے صاف پانی اتھارٹی کو 5 ہزار سے زائد واٹر فلٹریشن پلانٹس کی بحالی کیلئے 30 جون تک مہلت دے دی۔ وزیر ہاؤسنگ کا کہنا تھا کہ شفافیت اور میرٹ پر زیرو ٹالرینس، ڈیڈ لائن پر کوئی سمجھوتہ نہیں ہوگا۔ بوتل بند پانی کی مؤثر فراہمی کے میکنزم کو مزید بہتر اور قابل عمل بنایا جائے۔ عوامی سہولت کے منصوبوں میں تاخیر کی کوئی گنجائش نہیں۔ بلال یاسین نے واضح کیا کہ وزیر اعلیٰ پنجاب کی ہدایت پر تحصیل سطح پر صاف پانی کی یقینی فراہمی کیلئے ٹھوس میکنزم تشکیل دیا جائے گا۔
