چیئرمین سی ڈی اے محمد علی رندھاوا کا سی ڈی اے بورڈ ممبران اور متعلقہ افسران کے ہمراہ سیکٹر C-14 کا دورہ

چیئرمین سی ڈی اے محمد علی رندھاوا نے سی ڈی اے بورڈ ممبران اور متعلقہ افسران کے ہمراہ سیکٹر C-14 کا دورہ کیا. متعلقہ افسران نے سیکٹر C-14 میں جاری تعمیراتی سرگرمیوں کے حوالے سے چیئرمین سی ڈی اے کو تفصیلی بریفنگ دیتے ہوئے بتایا کہ سیکٹر C-14 میں ترقیاتی کام تیزی سے تکمیل کی جانب گامزن ہیں.چیئرمین سی ڈی اے محمد علی رندھاوا کو بریفنگ دیتے ہوئے بتایا گیا کہ سیکٹر C-14 کے ترقیاتی کام 24/7 تیزی سے جاری ہیں اور مجموعی طور پر 80 فیصد سے زائد ترقیاتی کاموں کو مکمل کرلیا گیا ہے. انہیں بتایا گیا کہ

سیکٹر C-14 میں ارتھ ورک 96 فیصد جبکہ بیس/سب بیس کا 75 فیصد، ڈرینج کا 65 فیصد اور سیوریج کا 40 فیصد کام بھی مکمل کرلیا گیا ہے.چیئرمین سی ڈی اے محمد علی رندھاوا نے ہدایت کی کہ سیکٹر C-14 کے ترقیاتی کام مقررہ مدت سے قبل مکمل کئے جائیں اور باقی ماندہ تعمیراتی کاموں کو بھی جلد مکمل کیا جائے. انہوں نے کہا کہ سیکٹر C-14 میں الاٹ کئے گئے پلاٹوں کی آخری قسط کی ادائیگی کے ساتھ ہی پلاٹوں کا قبضہ دیا جائے گا.چیئرمین سی ڈی اے محمد علی رندھاوا نے کہا کہ سیکٹر C-14 میں جاری ترقیاتی کاموں کے حوالے سے الاٹیوں کو بذریعہ سی ڈی اے ویب سائٹ اور سوشل میڈیا پلیٹ فارم مطلع رکھا جائے گا. انہوں نے کہا کہ سیکٹر C-14 میں بجلی سمیت دیگر سہولیات کی فراہمی کے انتظامات کے کام بھی مکمل کئے جائیں.چیئرمین سی ڈی اے محمد علی رندھاوا نے ہدایت کی کہ سیکٹر C-14 میں اسٹیٹ آف دی آرٹ سولر لائٹس کی تنصیب کے آپشنز پر غور کیا جائے. چئیرمین سی ڈی اے نے ممبر انجینئرنگ اور متعلقہ افسران کو سیکٹر C-14 کا باقاعدگی سے دورہ کرنے اور شہری سہولیات کی فراہمی کے حوالے سے جائزہ لینے کی ہدایت بھی کی اور مزید ہدایت کی کہ سیکٹر ڈویلپمنٹ میں حائل تمام روکاوٹوں کو دور کرکے تمام ترقیاتی کاموں کو جلد پایہ تکمیل تک پہنچایا جائے.