کمشنر لاہور نعمان یوسف نے محمود بوٹی و ایل ڈبلیو ایم سی سگیاں ورکشاپ کا دورہ کیا۔ اس موقع پر سی ای او ایل ڈبلیو ایم سی نے سگیاں ورکشاپ میں جاری آپریشنل امور اور گاڑیوں کی ریپئرنگ بارے بریفنگ دی۔ بریفنگ میں بتایا گیا کہ ٹرک آرٹ سے مزین کنٹینرز اہم شاہراہوں اور سیاحتی مقامات پر رکھے جا رہے ہیں۔ انہوں نے مکینیکل سویپر، ویکیوم سویپر سمیت دیگر آپریشنل گاڑیوں کی ورکنگ بارے آگاہ کیا گیا، گاڑیوں کے پینٹ ورک اور برینڈنگ بارے بریفنگ بھی دی۔کمشنر لاہورڈویژن نعمان یوسف نے کہا ہے کہ وزیر اعلیٰ پنجاب کی ہدایات کے مطابق کمرشل مارکیٹس میں ایک جیسی ویسٹ بنز لگائی جارہی ہیں۔بعد ازاں کمشنر لاہور نعمانڈ یوسف نے محمود بوٹی کمپوسٹ پلانٹ کا دورہ کیا۔ کمشنر لاہور نے ویسٹ سیگریگیشن، بلیک سولجر فلائی منصوبوں پر بریفنگ لی۔ بریفنگ میں بتایا گیا کہ بلیک سولجر فلائی پروٹین اور ورمنگ کمپوسٹ کا بہترین سورس ہے، بریفنگ میں محمود بوٹی ڈمپ سائٹ کی سائنٹیفک کلوزنگ کے بعد جاری لیچرڈ واٹر اور میتھین ٹریٹمنٹ بارے بھی آگاہ کیا گیا۔ کمشنر لاہور نے روڈا اور ایل ڈبلیو ایم سی کے اشتراک سے جاری محمود بوٹی اربن فارسٹ اور سولر پراجیکٹ کا بھی دورہ کیا۔
وزیر اعلیٰ پنجاب کی ہدایات کے مطابق کمرشل مارکیٹس میں ایک جیسی ویسٹ بنز لگائی جارہی ہیں،کمشنر لاہور نعمان یوسف
