یوم آزادی پاکستان کے موقع پر ڈویژنل پبلک سکول میں جشن آزادی کی پروقار تقریب کا انعقاد کیا گیا۔ کمشنر لاہور ڈویژن نعمان یوسف نے خصوصی شرکت کی۔ جشن آزادی تقریب میں تمام فیکلٹی اساتذہ، طلبا و طالبات اور اراکین بورڈ نے شرکت کی۔ ڈی پی ایس جشن آزادی تقریب میں سٹوڈنٹس نے ٹیبلوز، ترانے اور پروگرامز پیش کئے۔ جشن آزادی تقریب میں ہمارے قومی ہیروز کی تصویری نمائش کا اہتمام بھی کیا گیا۔کمشنر لاہور نعمان یوسف نے جشن آزادی تقریب سے صدارتی خطاب کیا۔ کمشنر لاہور نے کہا ہے کہ آج جشن آزادی کے موقع پر ہم سب اپنے راہنماوں کو سلام پیش کرتے ہیں۔ آزادی دنیا کی سب سے بڑی نعمت ہے، اگلی نسل کو آزادی کی نعمت سے روشناس کرانا ہے۔ انہوں نے کہا کہ پاکستان نے آگ اور خون کے دریا پار کے آزادی حاصل کی ہے۔ کمشنر لاہور نے کہا کہ آزادی لاکھوں قربانیوں اور سالہاسال کی جہد مسلسل سے حاصل ہوتی ہے۔ آزادی کی قدر اور اس کے مفہوم کو سمجھے بغیر آزادی کو محفوظ نہیں رکھا جاسکتا۔ نظم و ضبط، احساس ذمہ داری، باہمی احترام کے زریں اصولوں پر سختی سے عمل آزاد اقوام کا شیوہ ہوتا ہے۔
یوم آزادی پاکستان،کمشنر لاہور نعمان یوسف کی ڈویژنل پبلک سکول میں منعقدہ جشن آزادی تقریب میں خصوصی شرکت
