وزیراعلی پنجاب ہدایات کے مطابق کمشنر لاہور نعمان یوسف کے پبلک ہیلتھ فسیلیٹیز میں طبی نگہداشت پروٹوکولز و کلیننگ جائزہ کے لئے ہسپتال کے دورے جاری ہیں۔ کمشنر لاہور نعمان یوسف نے کاہنہ نو تحصیل ہیڈکوارٹر ہسپتال کا دورہ کیا۔ کمشنر لاہور نے ایمرجنسی، سرجری، میڈیسن گائنی وارڈز سمیت دیگر شعبہ جات کا معائنہ کیا۔ میڈیسن سٹور، میڈیسن بیجز اور ادویات فراہمی ریکارڈ کو چیک کیا۔ کمشنر لاہور نے وارڈز میں مریضوں کی عیادت کی اور علاج معالجے سہولیات بارے دریافت کیا۔ مریضوں سے مفت ادویات فراہمی بارے خصوصی طور پر دریافت کرکے اظہار اطمینان کیا۔ کمشنر لاہور نے ادویات فراہمی، ڈیوٹی روسٹر سمیت صفائی ستھرائی کا جائزہ لیا۔ واش رومز کو خصوصی پر چیک کیا۔کمشنر لاہور نعمان یوسف نے ہسپتال انتظامیہ کو ہدایت دیتے ہوئے کہا ہے کہ کینٹین، پارکنگ ایریا و دیگر فسیلیٹیز کی صفائی و ہائ جین پر زیرو ٹالرنس پالیسی ہے، پینے کے صاف پانی کا معیار بہترین اور واٹر کولرز کی صفائی روزانہ ہونی چاہئیے۔ انہوں نے کہا کہ ہسپتالوں میں صفائی کے معیار پر کوئی کمپرومائز نہیں۔ کمشنر لاہور نے کہا کہ شیڈول کے مطابق ہسپتالوں میں طبی سہولیات فراہمی و کلیننگ کو چیک کیا جارہا ہے۔
