کمشنر لاہور نعمان یوسف نے میاں میر ہسپتال کا دورہ کیا۔ کمشنر لاہور نے ڈائلاسز سنٹر، ایمرجنسی، وارڈز سمیت دیگر شعبہ جات کا معائنہ کیا۔ اس موقع پر اے سی کینٹ اور ڈی ڈی ایچ او ہیلتھ نے بریفنگ دی۔ کمشنر لاہور نے ہسپتال ادویات سٹور کو چیک کیا اور ادویات فراہمی و دستیابی کا جائزہ لیا۔ کمشنر لاہور نے مختلف وارڈز کا دورہ کیا اور مریضوں سے طبی سہولیات فراہمی بارے دریافت کیا۔ کمشنر لاہور نے مریضوں سے مفت ادویات فراہمی بارے خصوصی طور پر دریافت کرکے اظہار اطمینان کیا۔ کمشنر لاہور نے ڈیوٹی روسٹر کے مطابق ہسپتال عملے کی حاضری کو چیک کیا۔ انہوں نے ڈیپ کلیننگ کے حوالے سے صفائی ستھرائی آپریشن کا جائزہ لیا اور موقع پر ہدایات جاری کیں۔کمشنر لاہورڈویژن نعمان یوسف نے ہسپتال انتظامیہ کو ہدایت دیتے ہوئے کہا ہے کہ ہر وارڈ و آپریشنل کمرے کے باہر ڈسٹ بن رکھیں، واش رومز کی ہمہ وقت صفائی ہونی چاہئیے، انہوں نے کہا کہ ہسپتال کینٹین، پارکنگ ایریا و دیگر فسیلیٹیز کی صفائی و ہائ جین پر زیرو ٹالرنس پالیسی ہے۔ کمشنر لاہور نے کہا کہ وزیر اعلی پنجاب کی ہدایات کے مطابق پبلک ہیلتھ فسیلیٹیز میں طبی نگہداشت پروٹوکولز و ڈیپ کلیننگ کا جائزہ لیا جا رہا ہے، شیڈول کے مطابق ہسپتالوں میں طبی سہولیات فراہمی و ڈیپ کلیننگ کو چیک کیا جائیگا۔
*کمشنر لاہور نعمان یوسف کا میاں میر ہسپتال کا دورہ۔ اے سی کینٹ اور ڈی ڈی ایچ او ہیلتھ نے بریفنگ دی*
