*آذربائیجان کے سفیر حضرفرہادوف کی وزیر ہاؤسنگ اینڈ اربن ڈویلپمنٹ پنجاب بلال یاسین سے ملاقات*

آذربائیجان کے سفیر حضر فرہادوف نے وزیر ہاؤسنگ اینڈ اربن ڈویلپمنٹ پنجاب بلال یاسین سے ملاقات کی۔ دونوں ممالک کے باہمی تعلقات کے فروغ اور برادرانہ روابط کو مزید مضبوط بنانے کا اعادہ کیا گیا۔ آئندہ ماہ باکو میں ہونیوالے ورلڈ اربن فورم میں شرکت کیلئے صوبائی وزیر ہاؤسنگ کو مدعو کیا۔ آذر بائیجان کے سفیر نے گھروں کی تعمیر کیلئے بلاسود قرضوں کی فراہمی کیلئے حکومت پنجاب کا منفرد منصوبہ قابل ستائش ہے۔ پنجاب میں کم آمدن والے خاندانوں کیلئے وزیر اعلیٰ پنجاب کے اپنی چھت اپنا گھر پروگرام کی کامیابی پر مبارکباد دی۔ دونوں ممالک کے ہاؤسنگ اور اربن ڈویلپمنٹ میں کامیاب پالیسیوں سے استفادہ کرنے پر اتفاق کیا گیا۔ وزیر ہاؤسنگ بلال یاسین کا کہنا تھا کہ جدید شہری منصوبہ بندی ، سستی رہائش اور سمارٹ سٹی منصوبوں میں باہمی تجربات سے مستفید ہوں گے۔ دونوں ممالک کے سرمایہ کاروں کیلئے سازگار ماحول کی فراہمی یقینی بنائی جائے گی۔ اس موقع پر ڈی جی پھاٹا سکندر ذیشان اور دیگر افراد بھی موجود تھے۔