سیکرٹری بلدیات شکیل احمد میاں نے راوی زون لاہور کا دورہ کیا اور لاہور بحالی پلان کے تحت یونین کونسل نین سکھ،بوٹا پارک اور سعید پارک میں ترقیاتی سائٹس کا جائزہ لیا چیف آفیسر ایم سی ایل علی عباس بخاری اور اے سی راوی زون بھی ہمراہ تھے ۔میونسپل آفیسر انفراسٹرکچر محمد ثاقب نے ترقیاتی اسکیموں بارے بریفنگ دی ۔اس موقع پر سیکرٹری بلدیات شکیل احمد میاں نے چیف آفیسر میٹرو پولیٹن کارپوریشن کو ہدایات جاری کرتے ہوئے کہا ہےکہ لاہور کی ری ویمپنگ کے لیے متعلقہ ادارے آپس میں رابطہ کاری کو مزید بہتر بنائیں۔ انہوں نے کہا کہ چھوٹی گلیوں کی تعمیر ومرمت کے ساتھ مین اپروچ روڈز کی ری سرفیسنگ بھی کی جائے۔پختہ گلیوں کی تعمیر سے قبل پائیدار ڈرینج سسٹم بچھایا جائے۔بجلی کی بے ہنگم لٹکتی تاروں کو درست کیا جائے۔ انہوں نے مزید کہا کہ وزیر اعلٰی پنجاب کی ہدایات کے مطابق پسماندہ علاقوں پر خصوصی فوکس کیا جائے گا گلیوں کی تعمیر و مرمت کا کام لانگ ٹرم پلان کے مطابق ہوگا
