خیبرپختونخوا حکومت کے مطابق یہ اقدام عمران خان کے وژن ڈیجیٹائزیشن کی عملی تعبیر ہے، جس کے تحت ڈرائیونگ لائسنس کا اجرا مکمل طور پر ڈیجیٹل بنا دیا گیا ہے۔ خدمات کی ڈیجیٹائزیشن سے شہریوں کو سہولت، میرٹ اور شفافیت یقینی ہو گی۔ ڈیجیٹل لائسنس منیجمنٹ سسٹم صوبائی حکومت کے اصلاحاتی ایجنڈے کا ایک اہم سنگ میل ہے۔صوبائی حکومت ای گورننس، آن لائن سروس ڈیلیوری اور ڈیجیٹل پیمنٹس سمیت جدید اصلاحات متعارف کرا رہی ہے۔پائلٹ مرحلے میں اب تک 19,966 لرنر اور 2,212 مستقل لائسنس جاری کیے جا چکے ہیں۔شہری گھر بیٹھے “دستک” ایپ اور ویب کے ذریعے ڈرائیونگ لائسنس کے لیے درخواست دے سکتے ہیں۔ سسٹم میں اے آئی پر مبنی فیشل ریکگنیشن، آن لائن میڈیکل سرٹیفکیٹس، کیو آر کوڈ ویریفیکیشن اور مرکزی ڈیٹا بیس شامل ہیں۔
