وزیراعلی پنجاب مریم نواز کی خصوصی ہدایت پر اچھرہ بازار کی اپ گریڈیشن و بیوٹیفکیشن پر تیزی سے کام جاری ہے۔ کمشنر لاہور مریم خان اور ڈی سی لاہور کیپٹن ر علی اعجاز نے اچھرہ بازار کا دورہ کیا۔ انہوں نے اچھرہ بازار میں جاری اپ گریڈیشن کے کاموں کا جائزہ لیا۔ اس موقع پر چیف انجینئر ایل ڈی اے، ڈائریکٹر آرکیٹکٹ اور پراجیکٹ ڈائریکٹر نے بریفنگ دی۔ انہوں نے بریفنگ دیتے ہوئے کہا کہ اچھرہ بازار کی دکانوں اور پلازوں کا فساڈ اپ گریڈ، وائرنگ انڈر گراؤنڈ کی جارہی ہے، بازار کی اپ گریڈیشن اور یونیفارم ڈویلپمنٹ کی جا رہی ہے، بازار میں خوبصورت و پائیدار ٹف ٹائلز اور پیور بھی لگ رہے ہیں۔ انہوں نے کہا کہ خواتین کے لیے الگ صاف ستھرے، پبلک واش روم بنائے جا رہے ہیں۔کمشنرلاہورڈویژن مریم خان نے کہا کہ اچھرہ بازار تکمیل کے عین قریب ہے، اچھرہ بازار رواں ماہ مکمل ہو جائیگا ٹائم لائنز کے مطابق کام ہو رہا ہے۔ انہوں نے کہا کہ اچھرہ بازار کے ڈویلپمنٹ ورک میں سیوریج، بیوٹیفکیشن، ٹف ٹائلنگ تکمیل کے قریب پہنچ گئی، بازار میں تجاوزات کا خاتمہ ہو چکا ہے، اچھرہ بازار کی انٹری کو بھی خوبصورت اور نمایاں کردیا گیا ہے پیدل چلنے والوں کو سہولت ہو گی، اچھرہ بازار کی تمام دکانوں کا دیدہ زیب فساڈ یکساں اور داخلی راستہ مکمل ہوچکا ہے۔کمشنر لاہور نے کہا کہ اچھرہ بازار کو خواتین اور بچوں کی سہولت اور شاپنگ کے لیے ماڈل بنایا جا رہا ہے، اچھرہ پراجیکٹ تکمیل سے شہر کی خوبصورتی میں اضافہ اور کاروبار کو فروغ ملے گا۔
