مانسہرہ میں 25 ارب روپے سے زائد لاگت کے 12 ترقیاتی منصوبوں کا افتتاح و سنگ بنیاد رکھ دیا گیا۔منصوبوں میں 18.5 ارب روپے کی مانسہرہ گریوٹی فلو واٹر سپلائی سکیم اور 2 ارب روپے کا انسٹیٹیوٹ آف الائیڈ ہیلتھ سائنسز شامل ہیں۔1.8 ارب روپے لاگت کے اچھر نالہ ڈیم اور ایک ارب روپے مالیت کے ٹھاکرہ اسٹیڈیم اپگریڈیشن منصوبے کا بھی افتتاح و سنگ بنیاد بھی رکھا گیا۔بی ایچ یو سندیسر اپگریڈیشن اور ریسکیو اسٹیشن پانو ڈھیری کا قیام بھی ترقیاتی منصوبوں میں شامل ہے۔وزیراعلیٰ نے ڈگری کالج فار بوائز کا افتتاح ، کیتھ لیب اور قبرستان کے لیے زمین کی فراہمی کا بھی سنگ بنیاد رکھ دیا۔کوٹکے پارک، واٹر سپلائی سکیم مانسہرہ اور تحصیل تناول کا قیام بھی ترقیاتی منصوبوں کا حصہ ہیں۔افتتاح کیے گئے ترقیاتی منصوبے مانسہرہ کے عوام کے لیے صوبائی حکومت کا تحفہ ہیں۔وزیر اعلٰی خیبرپختونخوا محمد سہیل آفریدی نے کہا کہ یہ منصوبے مانسہرہ کے عوام کی زندگیوں میں حقیقی بہتری لائیں گے۔صوبے کے تمام اضلاع کی متوازن اور یکساں ترقی یقینی بنا رہے ہیں۔عوام کا پیسہ عوام کی فلاح پر خرچ کرنا ہماری ذمہ داری اور عزم ہے۔صاف پانی، صحت، تعلیم اور کھیل کے شعبوں میں انقلابی اقدامات جاری ہیں۔دور دراز علاقوں کو بھی ترقی کے دھارے میں شامل کیا جا رہا ہے۔ہر منصوبہ شفافیت، میرٹ اور معیار کو مدنظر رکھ کر مکمل کیا جا رہا ہے۔
