کمیٹی کےکنوینر وزیر بلدیات ذیشان رفیق کے مطابق وزارتی کمیٹی ہر چند روز بعد اجلاس منعقد کر کے بلدیاتی نظام کی منتقلی معاملات کا جائزہ لے گی: علی ڈار کے مطابق وزیراعلیٰ پنجاب کے وژن کے مطابق بلدیاتی ڈھانچے کو عوامی خدمت کیلئے فعال بنانے پر کام تیزی سے جاری ہے: اجلاس میں صوبائی وزیر زراعت سید محمد عاشق حسین شاہ، وزیر مواصلات و تعمیرات سہیب احمد ملک، وزیر معدنیات سردار شیر علی گورچانی شریک ہوئے۔صوبائی وزیر اسکول ایجوکیشن رانا سکندر حیات اور وزیر ٹرانسپورٹ و ماس ٹرانزٹ بلال اکبر خان نے بھی اجلاس میں شرکت کی۔وزیراعلیٰ پنجاب کے مشیر برائے سیاسی امور ذیشان عاشق ملک بھی وزارتی کمیٹی اجلاس میں شریک ہوئے۔سیکرٹری لوکل گورنمنٹ اینڈ کمیونٹی ڈویلپمنٹ نے بلدیاتی امور کی منتقلی اور انتظامی تیاریوں پر تفصیلی بریفنگ دی۔اجلاس میں پنجاب بھر میں بلدیاتی نظام کو جدید خطوط پر استوار کرنے اور عوامی خدمات کی بہتری کے لیے مختلف تجاویز پر غور کیا گیا۔
