وزیر اعلیٰ پنجاب مریم نواز شریف کی ہدایت پر پنجاب میں جاری ترقیاتی کاموں کی رفتار بڑھنے لگی۔۔صوبائی وزیر ہاؤسنگ اینڈ اربن ڈویلپمنٹ بلال یاسین کی زیر صدارت مئی موجودہ مالی سال کے جاری ترقیاتی منصوبوں بارے اجلاس ہوا۔ اسپیشل سیکرٹری ہاؤسنگ، ایڈیشنل سیکرٹری ٹیکنیکل اور پراجیکٹس ڈائریکٹرز نے منصوبوں کی حالیہ رفتار بارے آگاہ کیا۔ تمام محکموں کو روزانہ کی بنیاد پر کارکردگی رپورٹس جمع کروانے کی ہدایت کردی۔ وزیر ہاؤسنگ بلال یاسین کا کہنا تھا کہ ترقیاتی کاموں کے اوقات کار بڑھا دیے گئے ہیں جبکہ دن اور رات میں تیز رفتاری سے کام جاری ہے۔صوبائی وزیر بلال یاسین نے محکمے کے جاری منصوبوں کو 30 جون تک مکمل کرنے کا ہدف دے دیا۔ تمام اضلاع کے پراجیکٹس کی سخت مانیٹرنگ ہوگی، سست روی کا مظاہرہ کرنے کی کوئی گنجائش نہیں۔ انہوں نے سڑکوں کی تعمیر اور پارکس کی بحالی کو ترجیحی بنیادوں پر محرم سے قبل مکمل کرنے کی ہدایت بھی کی۔ سخت گرمی کے پیش نظر فلٹریشن پلانٹس بحالی کے اہداف پر کوئی سمجھوتہ نہیں کیا جائے گا۔ صوبائی دارالحکومت کے دو بڑے پراجیکٹس ریلوے اسٹیشن بحالی اور داتا دربار توسیعی منصوبے کو بھی جلد مکمل کرنا اولین ترجیح ہے۔
*وزیر ہاؤسنگ اینڈ اربن ڈویلپمنٹ بلال یاسین کا محکمے کے جاری منصوبوں کو 30 جون تک مکمل کرنے کا ہدف*
