کمشنر لاہورڈویژن مریم خان کی زیر صدارت ڈویژنل اجلاس منعقد ہوا۔ اجلاس میں معرکہ حق تقریبات، عید الضحی منڈیوں اور چاروں اضلاع میں بیوٹیفکیشن و دیگر ڈویلپمنٹ سکیموں پر پیشرفت کا جائزہ لیا گیا۔ ڈی سی قصور اور ننکانہ نے معرکہ حق تقریبات کے حوالے سے بریفنگ دی۔ انہوں نے بریفنگ دیتے ہوئے کہا کہ قصور و ننکانہ میں آج پاکستان کے ٹاپ گلوکار پرفارم کریں گے“، آج قصور سٹیڈیم میں گرینڈ تقریب میں شہداء خاندان، اراکین اسمبلی شرکت کررہے ہیں، معرکہ حق قصور گرینڈ تقریب میں پاکستان کے نامور گلوکار سجاد علی پرفارم کررہے ہیں، ضلع ننکانہ میں معرکہ حق گرینڈ تقریب میں پی ایس ایل کی پرفارمر معروف سنگر اریبہ خان فن کا مظاہرہ کریں گی۔کمشنر لاہور ڈویژن مریم خان نے کہا کہ معرکہ حق کے حوالے سے شہریوں اور سول سوسائٹی کی شرکت اور جوش قابل تحسین ہے، لاہور لبرٹی میں منعقدہ معرکہ حق گرینڈ تقریب میں شہریوں کا جم غفیر تھا۔ لبرٹی چوک میں معرکہ حق تقریب میں شہریوں نے پورے جوش و خروش سے اپنی افواج کی شجاعت کو خراج تحسین پیش کیا. انہوں نے کہا کہ لاہور، قصور، ننکانہ اور شیخوپورہ میں واکس، ریلیاں اور سائیکل ریلیاں جاری ہیں۔کمشنر لاہور نے مریم خان نے کہا کہ لاہور سمیت تمام اضلاع میں یکم ذی الحج سے عیدالاضحی منڈیاں قائم ہونگی، لاہور میں 6، ننکانہ میں 6، قصورر میں 8 اور شیخوپورہ میں 8 عیدالاضحی منڈیاں لگ رہی ہیں۔اجلاس میں ڈی سی لاہور کیپٹن ر علی اعجاز، ڈی سی قصور آصف محمد آصف رضا، ڈی سی شیخوپورہ شاہد عمران مارتھ، ڈی سی ننکانہ راو تسلیم اختر، اے سی جی وجیہہ ثمرین و دیگر افسران نے شرکت کی۔
*یکم ذی الحج سے مویشی منڈیاں قائم۔ لاہور میں 6,ننکانہ 6قصور8 اور شیخوپورہ میں 8 عیدالاضحٰی منڈیاں لگ رہی ہیں۔کمشنر لاہور*
