کمشنر لاہور نعمان یوسف نے ضلع قصور میں جاری ترقیاتی و بیوٹیفکیشن پراجیکٹس کا دورہ کیا۔ کمشنر لاہور نے ضلعی انتظامیہ کے ہمراہ مریم نواز ہیلتھ کلینک گنڈاسنگھ، بابا بلھے شاہ مزار تزئین و آرائش اور ڈویلپمنٹ پراجیکٹس پیشرفت کا جائزہ لیا۔ اس موقع پر ضلعی انتظامیہ نے ڈویلپمنٹ پراجیکٹس کے حوالے سے بریفنگ دی۔ کمشنر لاہور نے گرین بس اسٹینڈ، سٹی فوڈ کورٹ، ماڈل بازار میں جاری ترقیاتی و بیوٹیفکیشن کام کا جائزہ لیا۔ بعد ازاں کمشنر لاہور نعمان یوسف نے بابا بلھے شاہ دربار کا دورہ کیا اور دربار پر جاری تزئین و آرائش کاموں کا جائزہ لیا۔ انہوں نے بابا بلھے شاہ لائبریری و گیلری میں کلام بلھے شاہ، تاریخ و کتب کا بھی جائزہ لیا۔کمشنر لاہورڈویژن نعمان یوسف نے کہا ہے کہ وزیراعلی پنجاب کی ہدایت پر قصور کے اہم و بڑے بازار کی اپ گریڈیشن و بیوٹیفکیشن تکمیل کے قریب ہے۔ انہوں نے کہا کہ تزئین و آرائش کے حوالے سے بس اسٹینڈ اور فوڈ کورٹس بہترین کام ہوا ہے۔ کمشنر لاہور نے کہا کہ انتظامیہ کو ہدایت دی ہے کہ بابا بلھے شاہ مزار کے داخلی راستوں کی دیواروں کو انکے اشعار سے مزین کیا جائے، پراجیکٹس تکمیل سے شہر کی خوبصورتی میں اضافہ اور کاروبار کو فروغ ملے گا۔کمشنر لاہور نے کہا کہ مریم نواز ہیلتھ کلینک گنڈا سنگھ میں ڈلیوریز، جنرل و ڈینٹل سرجریز کے ساتھ فری ادویات فراہمی ہورہی ہے۔
