سال کے سب سے بڑے عید قرباں گرینڈ صفائی چیلنج سے نمٹنے کے لیے ستھرا پنجاب ایجنسی لاہور نے تمام تر تیاریاں مکمل کر لی ہیں۔شہر لاہور میں صفائی انتظامات کا جائزہ لینے کے لیے ڈی جی ستھرا پنجاب اتھارٹی بابر صاحب دین خودفیلڈ میں متحرک ہیں۔ستھر پنجاب ایجنسی لاہور کےڈپٹی سی ای او الطاف انصاری اور ڈپٹی سی ای او مبین احسن کے ہمراہ بابر صاحب دین نے مناواں مویشی منڈی اور مختلف علاقوں میں صفائی انتظامات کا جائزہ لیا۔آپریشن ٹیموں نے مناواں مویشی منڈی اور اس کے اطراف صفائی انتظامات سے متعلق مکمل بریفنگ میں آگاہ کیا کہ شہر بھر میں قائم مویشی منڈیوں میں روزانہ کی بنیاد پر ویسٹ ٹھکانے لگایا جا رہا ہے۔ جبکہ مویشی منڈیوں میں واشر گاڑیوں اور واشر رکشوں کی مدد سے عملہ پانی کا چھڑکاؤ یقینی بنا رہا ہے۔ڈی جی بابر صاحب دین نےمناواں مویشی منڈی میں ستھرا پنجاب کے کیمپ پر موجود عملےسے ملاقات کی اور ویسٹ بیگز کی کوالٹی بھی چیک کی۔ستھرا پنجاب ایجنسی لاہور کی جانب سے عید قربان کے موقع پر لاہور میں 15 لاکھ ماحول دوست ویسٹ بیگز مفت تقسیم کیے جا رہے ہیں۔مزید برآں بابر صاحب دین نے قائد اعظم انٹرچینج، ڈیراں گجراں، مومن پورہ، باٹا پور، جی ٹی روڈ اور اس سے ملحقہ علاقوں میں صفائی انتظامات کا جائزہ بھی لیا۔چلچلاتی دھوپ اور سخت گرمی میں صفائی فرائض انجام دینے والے ورکرز کو شاباش دی اور مویشی منڈیوں میں صفائی آپریشن پر تعینات ورکرز کے لیے ٹھنڈے پانی کی فراہمی ہر وقت یقینی بنانے کی ہدایت دی۔
ڈی جی ستھرا پنجاب اتھارٹی بابر صاحب دین خود فیلڈ میں متحرک،مناواں مویشی منڈی اورمختلف علاقوں کا دورہ
