وزیر اعلی پنجاب کی خصوصی ہدایت پر صوبائی معاون خصوصی برائے سپیشل ایجوکیشن ثانیہ عاشق نے مرکزی امام امام بارگاہ ماڈل ٹاؤن لاہور کا دورہ کیا۔ اس موقع پر کمشنر لاہور مریم خان، ڈی سی لاہور کیپٹن ریٹائرڈ علی اعجاز، ایس ایس پی آپریشنز توقیر احمد بھی ہمراہ موجود تھے۔ اسسٹنٹ کمشنر ماڈل نے بریفنگ دی۔ بریفنگ میں آگاہ کیا گیا نے کہ مرکزی مانیٹرنگ، ریسکیو، میڈیکل کور، لائٹنگ، عارضی پبلک ٹوائیلٹس اور نکاسی آب انتظامات پلاننگ مکمل ہیں۔صوبائی معاون خصوصی برائے سپیشل ایجوکیشن ثانیہ عاشق نے ریسکیو سمیت تمام محکموں کو خصوصی ہدایات دیں۔ انہوں نے کہا کہ وزیراعلی پنجاب کی خصوصی ہدایات ہیں کہ محرم انتظامات احسن ترین انداز میں مکمل ہونے چاہئیں، حکومتی ہدایات، ایس اوپی ز کیمطابق انتظامات کو یقینی بنایا گیا ہے، روزانہ کی بنیاد پر جائزہ لیا جارہا ہے۔ معاون خصوصی پنجاب نے امام بارگاہ کے منتظمین و لائسنس ہولڈرز سے بھی ملاقات کی۔ مرکزی امام بارگاہ ماڈل ٹاون کے منتظمین نے ضلعی انتظامیہ کی جانب سے کیے گئے انتظامات پر اطمینان کا اظہار کیا۔اس موقع پر گفتگو کرتے ہوئے کمشنر لاہور مریم خان نے کہا کہ مرکزی امام بارگاہوں سے شروع ہونے والے جلوسوں کے روٹس کی تمام ضروریات کو یقینی بنایا جارہا ہے، انتظامیہ کا منتظمین و لائسنس ہولڈرز سے مکمل رابطہ ہے۔
معاون خصوصی برائے سپیشل ایجوکیشن ثانیہ عاشق کا مرکزی امام امام بارگاہ ماڈل ٹاؤن لاہور کا دورہ
