محرم الحرام میں مجالس اور جلوس کی مناسبت سے ستھرا پنجاب ایجنسی لاہور کی آپریشن ٹیمیں شہر بھرمیں زائرین کو صفائی کی بہترین سہولیات کی فراہمی یقینی بنانے کے لیے متحرک ہیں ۔ڈی جی ستھرا پنجاب اتھارٹی بابر صاحب دین کی ہدایت پر شہر بھر کی 121 امام بارگاہوں اور اس کے اطراف واشنگ کا عمل جاری ہے،جبکہ جلوسوں کے روٹس پر ستھرا پنجاب ایجنسی لاہور کا صفائی عملہ مینوئل سویپنگ اور ویسٹ کلیئرنس یقینی بنا رہا ہے۔وزیر اعلی پنجاب مریم نواز شریف کے ویژن ستھرا پنجاب پر عملدرآمد یقینی بنانے کے لیے ستھرا پنجاب ایجنسی لاہور کی صفائی ٹیمیں جلوس کے راستوں پر پانی کے چھڑکاؤ پر بھی تعینات ہیں۔موثر صفائی اقدامات کے تحت راوی ٹاؤن میں 13، شالیمار ٹاؤن میں 15،واہگہ ٹاؤن میں 8 امام بارگاہوں کی صفائی دھلائی کا عمل مکمل کر لیا گیا ہے۔ عزیز بھٹی ٹاؤن میں7، گلبرگ ٹاؤن میں 21، علامہ اقبال ٹاؤن میں 16 امام بارگاہوں کی صفائی ستھرائی مکمل کی جا رہی ہے۔جبکہ نشتر ٹاؤن 10، سمن آباد ٹاؤن میں 11، داتا گنج بخش ٹاؤن میں 20 امام بارگاہوں کی صفائی دھلائی کا عمل بھی جاری ہے۔مزید برآں موچی گیٹ سے کربلا گامے شاہ، شادمان سے شاہ جمال، پانڈو سٹریٹ اسلام پورہ سے پرانی انار کلی صفائی عملہ جلوس کے روٹس پر تعینات ہے۔علی رضا آباد رائیونڈ، اور ٹھوکر گاؤں جلوس کے راستوں پر ستھرا پنجاب ایجنسی لاہور کی آپریشن ٹیمیں صفائی پر مامور ہیں۔زائرین کی سہولت کے لیے جلوسوں کے روٹس پر موجود کنٹینرز کو بھی بر وقت خالی کیا جا رہا ہے۔
