ستھرا پنجاب ایجنسی لاہور کی جانب سے لاہور کے حسن کو بحال رکھنے کے لیے راوی ٹاؤن اور اس سے ملحقہ علاقوں میں خصوصی صفائی آپریشن پر عملہ متحرک رہا۔ڈی جی ستھرا پنجاب اتھارٹی بابر صاحب دین کی ہدایت پرراوی ٹاؤن میں 254 آپریشنل گاڑیاں 1900سے زائد صفائی عملہ اور افسران تینوں شفٹوں میں تعینات رہے۔جبکہ347 لوڈر رکشے راوی ٹاؤن میں ڈور ٹو ڈور ویسٹ کولیکشن پر مامور ہیں۔خصوصی صفائی انتظامات کے تحت ستھرا پنجاب کے عملے نےلطیف چوک، بیگم کوٹ، شمع کالونی اور بارہ دری میں ویسٹ کلئیرنس اور مینوئل سویپنگ کا عمل مکمل کیا جبکہ بھٹو کالونی، بس اسٹاپ شاہدرہ ٹاؤن، حاجی کوٹ، کالا خطائی روڈ سمیت17ہاٹ اسپاٹس ایریاز اور پلاٹس کی کلیئرنس بھی یقینی بنائی گئی۔ڈی جی ستھرا پنجاب اتھارٹی بابر صاحب دین کا کہنا ہے کہ وزیرِ اعلیٰ پنجاب مریم نواز شریف کے ویژن “ستھرا پنجاب” کے تحت تمام ٹاؤنز کو مرحلہ وار زیرو ویسٹ بنانے کے لیے عملی اقدامات جاری ہیں۔شہریوں کو صاف ستھرا ماحول فراہم کرنا اولین ترجیح ہے۔شہریوں سے بھی گزارش ہے کہ صفائی سے متعلق شکایات کے فوری ازالے کے لیے ستھرا پنجاب کی ہیلپ لائن 1139 پر رابطہ کریں یا سوشل میڈیا کا استعمال کریں۔
