وزیراعلیٰ پنجاب مریم نواز شریف کے جدید، خوبصورت اور عالمی معیار کے لاہور کے وژن کے تحت جاری ترقیاتی منصوبوں کا جائزہ لینے کے لیے سیکرٹری ہاؤسنگ پنجاب نورالامین مینگل نے لاہور ریلوے اسٹیشن اور اس سے ملحقہ علاقوں کا دورہ کیا۔ اس موقع پر انہوں نے اربن ریجنریشن پراجیکٹ کے تحت جاری مختلف ترقیاتی کاموں کا تفصیلی معائنہ کیا۔دورے کے دوران ڈائریکٹر جنرل ایل ڈی اے طاہر فاروق نے سیکرٹری ہاؤسنگ کو منصوبے کی مجموعی پیش رفت، تکمیل کے مختلف مراحل اور جاری ترقیاتی سرگرمیوں پر تفصیلی بریفنگ دی۔ انہیں بتایا گیا کہ ریلوے اسٹیشن سے منسلک وسیع پارکنگ ایریا کی تعمیر پر تیزی سے کام جاری ہے جبکہ ریلوے اسٹیشن کے سامنے جدید آٹومیٹڈ پارکنگ سسٹم کی تنصیب کے انتظامات بھی مکمل کیے جا رہے ہیں۔سیکرٹری ہاؤسنگ نورالامین مینگل نے ہدایت کی کہ آٹومیٹڈ پارکنگ سسٹم کو جلد از جلد فعال کیا جائے تاکہ شہریوں اور مسافروں کو جدید، محفوظ اور آسان پارکنگ کی سہولت فراہم کی جا سکے۔ انہوں نے کہا کہ لاہور کی شہری خوبصورتی اور جدید انفراسٹرکچر حکومت پنجاب کی اولین ترجیح ہے۔بریفنگ میں بتایا گیا کہ ریلوے اسٹیشن سے ملحقہ تمام اہم سڑکوں پر واقع عمارتوں کی فساڈ اپ گریڈیشن کا کام مکمل کر لیا گیا ہے جبکہ ریلوے وال کی بیوٹیفکیشن اور اپ گریڈیشن کا کام بھی آخری مراحل میں ہے، جسے جلد مکمل کر لیا جائے گا۔سیکرٹری ہاؤسنگ نے کہا کہ اس منصوبے کے ذریعے مسافروں اور شہریوں کے لیے جدید شہری انفراسٹرکچر متعارف کروایا جا رہا ہے، جس سے نہ صرف شہر کی خوبصورتی میں اضافہ ہوگا بلکہ عوام کو بہتر سفری اور شہری سہولیات بھی میسر آئیں گی۔انہوں نے واضح کیا کہ ترقیاتی منصوبوں کے معیار اور رفتار پر کسی قسم کا سمجھوتہ نہیں کیا جائے گا اور تمام منصوبے مقررہ مدت کے اندر اعلیٰ معیار کے مطابق مکمل کیے جائیں گے۔مون سون سیزن کے پیش نظر سیکرٹری ہاؤسنگ نے واسا حکام کو ہدایت کی کہ زیر تعمیر انڈر گراؤنڈ واٹر اسٹوریج ٹینک سمیت تمام نکاسیٔ آب کے نظام کو مکمل طور پر فعال رکھا جائے تاکہ بارشوں کے دوران شہریوں کو کسی قسم کی دشواری کا سامنا نہ کرنا پڑے۔ترجمان محکمہ ہاؤسنگ کے مطابق وزیراعلیٰ پنجاب مریم نواز شریف کے وژن کے مطابق لاہور میں جدید شہری منصوبہ بندی، خوبصورتی، بہتر ٹریفک مینجمنٹ اور عالمی معیار کی شہری سہولیات کی فراہمی کے لیے ترقیاتی منصوبوں پر تیزی سے عملدرآمد جاری ہے، تاکہ شہریوں اور مسافروں کو محفوظ، جدید اور معیاری انفراسٹرکچر فراہم کیا جا سکے۔
Read Next
14 گھنٹے ago
لاہور کے گرد رنگ فارسٹیشن منصوبے کے تحت 20 لاکھ پودے لگانے کا منصوبہ،کمشنر لاہور کو بریفنگ
16 گھنٹے ago
*صوبائی وزیر بلال یاسین کی زیر صدارت پی ڈی پی کے تحت واسا کے ترقیاتی منصوبوں پر پیش رفت کا جائزہ اجلاس*
1 دن ago
ڈویلپمنٹ اتھارٹیز ماسٹر پلانز پر مؤثر عملدرآمد یقینی بنائیں،پارلیمانی سیکرٹری ہاؤسنگ سلطان طارق باجوہ
1 دن ago
پنجاب کی41 ہارٹیکلچر ایجنسیوں کے لئے یکساں ڈیجیٹل نظام متعارف کروایا جائے گا،سیکرٹری ہاؤسنگ دانش افضال
2 دن ago






