کمشنر لاہور نعمان یوسف و ڈی سی لاہور کیپٹن ر علی اعجاز نے مون سون انتظامات جائزہ کے لئے لاہور واسا ہیڈ آفس کا دورہ کیا۔ انہوں نے واسا لاہور کمانڈ اینڈ کنٹرول و راونڈ دی کلاک مانیٹرنگ سنٹر کا دورہ کیا۔ کمشنر لاہور نے رین مانیٹرنگ ڈیش بورڈ، لائیو انڈر پاسز کیمرہ مانیٹرنگ، ڈسپوزل اسٹیشن مانیٹرنگ کا جائزہ لیا۔انہوں نے آن لائن ڈسپوزل اسٹیشنز، انڈر گراؤنڈ سٹوریج کپیسٹی، مشینری اور افرادی وسائل کا جائزہ لیا۔ اس موقع پر ایم ڈی واسا غفران احمد نے رین سیز بورڈ سے لائیو مانیٹرنگ، واسا آپریشنز بارے بریفنگ دی۔بعد ازاں کمشنر لاہور نعمان یوسف کی زیر صدارت واسا ہیڈ آفس میں اجلاس منعقد ہوا۔ اجلاس میں وائس چیرمین واسا چوہدری شہباز احمد نے خصوصی شرکت کی۔ اجلاس میں ایم ڈی واسا غفران احمد نے واسا آپریشنز، شکایات ازالہ، واٹر سپلائی پر فل ہاوس بریفنگ دی۔ انہوں نے کہا کہ لاہور میں 18 زیرزمین واٹر سٹوریج ٹینک فعال ہیں مزید کام جاری ہے، انڈر گراونڈ سٹوریج واٹر ٹینکس سے شہر میں ایمرجنسی ہاٹ سپاٹس کم ہوگئے ہیں۔کمشنر لاہور نعمان یوسف نے کہا ہے کہ اربن فلڈنگ کو مدنظر رکھ کر پیشگی سوفیصد انتظامات فیلڈ میں موجود رکھیں، مون سون انتظامات کا اصل مقصد کم سے کم وقت میں نکاسیئ آب اور بروقت ردعمل دینا ہے، مون سون میں واسا، میٹ آفس اور لیسکو میں 24/7 مسلسل رابطہ ناگزیر ہے۔ کمشنر لاہور نے کہا کہ ”شہری شکایات ازالہ سسٹم فوری و سوفیصد ردعمل دیں“کمشنر لاہور نے شہری ریلیف میکانزم کا خصوصی جائزہ لیا۔ انہوں نے کہا کہ وزیراعلی پنجاب کی ترجیح شہری شکایات و مسائل کا بروقت و مکمل ازالہ ہے۔
*کمشنر لاہور نعمان یوسف و ڈی سی لاہور کیپٹن ر علی اعجاز کا واسا ہیڈ آفس کا دورہ. اجلاس کی صدارت,*
