وزیراعلیٰ پنجاب مریم نواز شریف نے شین جیانگ وایغور خودمختار علاقائی کمیٹی اور پارٹی سیکرٹری اور پروڈکشن اینڈ کنسٹرکشن کورپس (XPCC) کے پولیٹیکل کمشنر ہی ژونگ یو سے ملاقات کی-وزیر اعلیٰ مریم نوازشریف نے پرتپاک خیر مقدم کرنے پر پارٹی سیکرٹری ہی ژونگ یو کا شکریہ ادا کیا-وزیر اعلیٰ مریم نوازشریف نے چین کے صوبہ شین جیانگ کے پارٹی سیکرٹری اور پولیٹیکل کمشنرہی ژونگ یو کی دوراندیش قیادت کو سراہا-وزیراعلیٰ مریم نوازشریف نے کمیونسٹ پارٹی آف چائنہ کی 150 سال تقریب پر مبارکباد دی- وزیراعلیٰ مریم نواز شریف نے پاک چائنہ تعلقات کے 75 سال مکمل ہونے پر بھی مبارکباد پیش کی-پنجاب اور شین جیانگ صوبوں کے درمیان اقتصادی ترقی اور تعاون کے فروغ پر بات چیت ہوئی-ملاقات میں میڈیکل، ایگریکلچر،اکانومی اور بزنس امور سے متعلق تبادلہ خیال کیاگیا-عوامی سطح(پیپل ٹو پیپل) پرایکسچینج پروگرام پر تفصیلی گفتگو ہوئی-پاکستانی طلباء کیلئے آن لائن ٹیکنیکل معاونت کی تجویز کا جائزہ لیاگیا-پنجاب اور شین جیانگ کے درمیان زراعت، صنعت، ٹیکنالوجی اور بنیادی ڈھانچے کے شعبوں میں تعاون بڑھانے کاعزم کیا گیا-وزیراعلیٰ مریم نواز شریف نے واٹر ایفی شینٹ، ڈرپ ایریگیشن اور عمدہ بیج سے پانی کی کمی کا شکار علاقوں میں بہتر فصل کیلئے باہمی اشتراک کار کی پیشکش کی-قحط زدہ اور خشک علاقوں میں جدید سائنٹیفک طریقہ کار سے پانی کی کمی پوری کرنے کیلئے چین کے تجربات سے مستفید ہونے کے عزم کا اظہار کیاگیا-وزیراعلیٰ مریم نواز شریف نے ہی ژونگ یو کو ارمچی میں چھٹے بین الاقوامی میڈیا ٹور کے اقدام کو سراہا-وزیراعلی مریم نواز شریف نے کہاکہ پنجاب کو پاکستان کی فوڈ باسکٹ ہونے کا قابل قدر اعزاز حاصل ہے۔ موثر اقدامات اور گورننس سے غربت اور محرومی کا ازالہ ہورہا ہے۔ آبی ذخائر کے تحفظ کیلئے پنجاب کے مختلف علاقوں میں چین کے اشتراک سے پائلٹ پراجیکٹ شروع کیے جاسکتے ہیں۔ وزیراعلی مریم نواز شریف نے کہاکہ قابل تجدید انرجی سیکٹرز ہماری ترجیحات میں شامل ہیں۔ پنجاب کے تعلیمی اداروں میں ٹیکنیکل ایجوکیشن کو فروغ دیا جارہا ہے۔
پنجاب اور شین جیانگ کے درمیان زراعت، صنعت، ٹیکنالوجی اور بنیادی ڈھانچے کے شعبوں میں تعاون بڑھانے کاعزم
