لاہور میں نگران میونسپل ایشوز رپورٹنگ سسٹم کا آغاز ہو گیا ہے۔ کمشنر لاہور ڈویژن نعمان یوسف کی زیر صدارت نگران میونسپل ایشوز رپورٹنگ سسٹم کے حوالے سے اجلاس منعقد ہوا۔ اجلاس میں کمشنر لاہور نے نگران میونسپل ایشوز رپورٹنگ سسٹم کے آغاز پر ڈی سی لاہور کو مبارک باد دی۔ اجلاس میں کمشنر لاہور کو ضلعی انتظامیہ لاہور کے نئے نگران میونسپل ایشوز رپورٹنگ سسٹم بارے بریفنگ دی گئی۔ ضلعی انتظامیہ نے بریفنگ میں آگاہ کیا کہ پی آئی ٹی بی نے نگران میونسپل ایشو رپورٹنگ سسٹم کو تمام اضلاع میں فعال کرنے کیلئے ورکنگ شروع کر دی ہے، نگران میونسپل ایشو رپورٹنگ سسٹم مانیٹرنگ سے شہری مسائل کے بروقت ازالے میں مدد ملے گی۔ ڈی سی لاہور کیپٹن ر علی اعجاز کا کہنا ہے کہ نگران میونسپل ایشوز رپورٹنگ سسٹم سے صفائی، مین ہولز، تجاوزات، سٹریٹ لائٹ سمیت ہر نوعیت کے مسائل کا فوری ازالہ ممکن ہوگا، شہری سروسز سے متعلق تمام اداروں کی ایک پورٹل پر موجودگی و باہم کوارڈینیشن سے سروسز کا معیار بہتر ہوگا، سسٹم سے حاصل فیڈ بیک کی روشنی میں خدمات کے معیار کو مزید بہتر اور اپ گریڈ کیا جائے گا۔کمشنرلاہورڈویژن نعمان یوسف نے کہا ہے کہ نگران میونسپل ایشوز رپورٹنگ سسٹم شہری مسائل کی مانیٹرنگ اور بروقت ازالے میں کلیدی کردار ادا کرے گا۔ انہوں نے کہا کہ وزیر اعلی پنجاب کی ہدایت پر نگران میونسپل ایشوز رپورٹنگ سسٹم کا دائرہ کار تمام اضلاع تک پھیلایا جا رہا ہے۔اجلاس میں ڈی سی لاہور کیپٹن ریٹائرڈ محمد علی اعجاز سمیت ایم سی ایل اور پی آئی ٹی بی افسران نے بھی شرکت کی۔
*لاہور میں نگران میونسپل ایشوز رپورٹنگ سسٹم کا آغاز۔ کمشنرنعمان یوسف کی ڈی سی علی اعجاز کو مبارک باد* ۔
