ڈپٹی کمشنر گجرات خرم شہزاد کی زیر صدارت اجلاس، ستھرا پنجاب پروگرام کو سیلف آپریشنل نظام پر منتقل کرنے کے امور کا جائزہ

ڈپٹی کمشنر گجرات خرم شہزاد کی زیر صدارت ستھرا پنجاب پروگرام کو سیلف آپریشنل نظام پر منتقل کرنے کے حوالے سے اجلاس منعقد ہوا۔ اجلاس میں مجوزہ منتقلی کے انتظامی، تکنیکی اور عملی پہلوؤں کا جائزہ لیا گیا اور اس عمل کو مؤثر انداز میں آگے بڑھانے کے لیے مختلف کمیٹیوں کے قیام پر غور کیا گیا۔اجلاس میں تکنیکی امور کے لیے ٹیکنیکل کمیٹی، خریداری اور معاہدوں سے متعلق معاملات کے لیے پروکیورمنٹ اینڈ کنٹریکٹ کمیٹی جبکہ افرادی قوت سے متعلق امور کے لیے ہیومن ریسورس کمیٹی قائم کرنے کا فیصلہ کیا گیا۔اجلاس میں ایڈیشنل ڈپٹی کمشنر ہیڈکوارٹرز محمد احمر علی، ایڈیشنل ڈپٹی کمشنر سوشل سروسز فاروق اعظم، ایڈیشنل ڈپٹی کمشنر انفورسمنٹ خیزران علی، ایڈیشنل ڈپٹی کمشنر قرۃ العین، ایم ڈی ستھرا پنجاب، اسسٹنٹ کمشنر گجرات عبالقدیر زرکون، اسسٹنٹ کمشنر کھاریاں سہیل خان مندوخیل، اسسٹنٹ کمشنر سرائے عالمگیر سعدیہ ڈوگر، ضلع بھر کے تمام چیف آفیسرز اور دیگر متعلقہ افسران نے شرکت کی۔

جواب دیں

Back to top button