کمشنر کوئٹہ ڈویژن/ ایڈمنسٹریٹر میٹروپولیٹن کارپوریشن کوئٹہ محمد حمزہ شفقات کی سربراہی میں سورج گنج بازار میں تجاوزات کے خلاف کارروائی عمل میں لائی گئی، اس دوران کمشنر کوئٹہ/ایڈمنسٹریٹر ایم سی کیو نے مزکورہ بازار میں دوکانوں کی حدود سے باہر تجاوز کرنے والے دوکانداروں کو متنبہ کیا کہ وہ فٹ پاتھوں اور سڑک پر تجاوزات قائم کرنے سے گریز کریں جس پر دوکانداروں کی جانب سے انتظامیہ کے ساتھ تعاون کرنے اور زمہ دار شہری ہونے کے ناطے تجاوزات ختم کرنے کی یقین دہانی کرائی، مزید برآں برساتی نالوں پر قائم تجاوزات کے خاتمے کے لئے کمشنر کوئٹہ/ ایڈمنسٹریٹر کوئٹہ محمد حمزہ شفقات نے افسران کو ہدایات جاری کی، اس دوران ڈپٹی کمشنر کوئٹہ، اسسٹنٹ کمشنر کوئٹہ( سٹی)، میٹروپولیٹن کارپوریشن کوئٹہ کے انسداد تجاوزات سیل انچارج علی رضا درانی، پی ایس ٹو ایڈمنسٹریٹر محمد بلال سمیت دیگر افسران بھی موجود تھے
