چیف آفیسر شاہد عباس کاٹھیا کی زیر نگرانی بوگیوال روڈ شالیمار زون میں آپریشن کیا گیا اور کارروائی کے دوران 8 سے زائد بھینسوں کا انخلاء کروایا گیا ہے. انہوں نے کہا کہ ضبط شدہ جانور کو ایم سی ایل کے ریگولیشن سٹور میں بھیجا دیا گیا ہے اور آپریشن سے قبل نوٹس اور وارننگ بھی دی گئی تھی۔چیف آفیسر شاہد عباس کاٹھیا نے کہا کہ بھینسوں کے باڑے مچھروں کی آماجگاہ،گندگی سمیت ڈرینج سسٹم متاثر ہونے کی بڑی وجہ ہے. ایڈمنسٹریٹر لاہور سید موسیٰ رضا نے کہا کہ شہر میں بھینسوں کے باڑے قائم کرنے کی ہرگز اجازت نہیں دی جائے گی۔ایڈمنسٹریٹر لاہور سید موسیٰ رضا نے کہا کہ رہائشی علاقوں میں مویشیوں کے انخلاء کے حوالے سے کارروائیاں جاری رہیں گی.
