ڈی جی ایل ڈی اے طاہر فاروق کی ہدایت پر ایل ڈی اے ٹیموں نے جوہر ٹاؤن میں اربوں روپے مالیت کی قیمتی اراضی سے جھگیاں اور تجاوزات ختم کر120 کینال جگہ واگزار کروا کر قبضہ حاصل کر لیا۔ ایل ڈی اے ٹیموں نے جوہر ٹاؤن سمسانی روڈ ایف ون بلاک پر عرصہ دراز سے 90 کنال اراضی پر قائم جھگیاں و تجاوزات ختم کیں۔ ایل ڈی اے ٹیموں نے ایف ون، ایم اور این بلاک سے مویشیوں اور تجاوزات کو بھی ہٹا دیا۔ایم اور این بلاک میں 30 کنال جگہ سے مویشی و تجاوزات کا ختم کر دیں۔آپریشن ڈائریکٹر ہاؤسنگ سیون معظم رشید کی نگرانی میں ایل ڈی اے انفورسمنٹ سکواڈ نے کیا۔ڈی جی ایل ڈی اے طاہر فاروق نے ایل ڈی اے کی قیمتی پراپرٹیز کا تحفظ یقینی بنانے کی ہدایت کی۔ ڈی جی ایل ڈی اے طاہر فاروق نے ہدایت کی کہ واگزار کرائی گئی جگہ پر ایل ڈی اے کی ملکیت کا بورڈ آویزاں کیا جائے، فینسنگ کی جائے۔آپریشن میں پولیس، انفورسمنٹ سکواڈ اور بھاری مشینری نے حصہ لیا۔
ایل ڈی اے کا جوہر ٹاؤن میں تجاوزات کے خلاف گرینڈ آپریشن /120کینال قیمتی اراضی واگزار کروا کر قبضہ حاصل کر لیا
