کمشنر لاہور ڈویژن مریم خان کی زیر صدارت ڈویژنل اجلاس اجلاس منعقد ہوا۔ اجلاس میں رمضان نگہبان پیکیج کے تحت کارڈز، رمضان دسترخوان، ستھرا پنجاب اور بیوٹیفکیشن سکیمز کا جائزہ لیا گیا۔ لاہور ڈویژن چاروں اضلاع کے ڈپٹی کمشنرز نے رمضان نگہبان پیکیج کے حوالے سے بریفنگ دی۔ انہوں نے کہا کہ رمضان نگہبان پیکیج کے تحت کارڈز کی ڈسٹریبیوشن کیلئے کیمپس سائٹس حتمی ہوگئے ہیں، رمضان دسترخوان کے لئے کمیٹیاں تشکیل دے دی گئی ہیں، مخیرافراد دسترخوان کا اہتمام کریں گے۔کمشنرلاہورڈویژن مریم خان نے کہا کہ رمضان نگہبان پیکیج کے تحت رمضان کارڈز کی ڈسٹریبیوشن شروع ہورہی ہے، ڈویژن کے ہر ضلع کی ہر تحصیل میں 9 رمضان دسترخوان قائم کیے جارہے ہیں۔ انہوں نے کہا کہ وزیراعلی پنجاب ہدایات کے تحت رمضان سہولت بازار پوری ڈویژن میں قائم ہورہے ہیں۔ کمشنر لاہور نے مزید کہا کہ شہروں کی بیوٹیفکیشن سکیمز پر کام کی رفتار کو ٹائم لائنز کے مطابق مکمل ہونا لازمی ہے۔اجلاس میں ڈی سی لاہور کیپٹن ر علی اعجاز، ڈی سی شیخوپورہ شاہد عمران مارتھ، ڈی سی ننکانہ راو تسلیم اختر، ڈی سی قصور آصف رضا، اے سی جی وجیہہ ثمرین نے شرکت کی۔
کمشنر لاہور مریم خان کی زیر صدارت ڈویژنل اجلاس،رمضان نگہبان پیکیج کے تحت کارڈز۔رمضان دسترخوان ۔ستھرا پنجاب۔بیوٹیفکیشن سکیمز کا جائزہ
