اسسٹنٹ ڈائریکٹر بلدیات و دیہی ترقی تحصیل حسن خیل پشاور، ملک ارشد خان نے صوبائی وزیر بلدیات اور ڈائریکٹر جنرل دفتر کے واضح احکامات کی روشنی میں تمام ویلیج کونسل سیکرٹریوں کو ہدایات جاری کی ہیں کہ عوامی خدمات کی بروقت فراہمی اور شفافیت کو ہر صورت یقینی بنایا جائے۔انہوں نے کہا کہ سرٹیفیکیشن کی انٹری کے وقت سسٹم سے جنریٹ ہونے والی فیس رسید کی ایک نقل لازمی طور پر متعلقہ فائل کے ساتھ منسلک کی جائے، جبکہ دستخط شدہ اور مہر شدہ رسید کی ایک کاپی درخواست گزار کو فراہم کرنا ہر سیکرٹری کی ذمہ داری ہے۔ملک ارشد خان نے واضح کیا کہ صوبائی وزیر بلدیات و دیہی ترقی کے احکامات کی خلاف ورزی کی صورت میں ذمہ دار افراد کے خلاف سخت قانونی کارروائی عمل میں لائی جائے گی۔ انہوں نے مزید کہا کہ عوام کو بروقت سہولیات فراہم کرنا اور شفافیت کو برقرار رکھنا محکمہ بلدیات کی اولین ترجیح ہے
