شہر بھر میں آتش بازی پر مکمل پابندی عائد کر دی گئی ہے اور انواٹرمنٹ پروٹیکشن ایجنسی نے باقاعدہ طور پر نوٹیفکیشن جاری کر دیا گیا ہے. ڈی سی لاہور سید موسیٰ رضا نے کہا کہ نئے سال کی آمد پر کسی قسم کی آتش بازی نہیں کی جائے گی اور خلاف ورزی پر بلا امتیاز سخت کارروائیاں عمل میں لائی جائیں گی، ڈی سی لاہور نے کہا کہ فضا میں آلودگی کے پیش نظر نوٹیفکیشن جاری کیا گیا ہے، ڈی سی لاہور نے اپیل کی کہ ضلعی انتظامیہ لاہور اسموگ کے تدارک کیلئے کوشاں ہے اور شہری بھی تعاون کریں. انہوں نے کہا کہ بچوں، بزرگوں اور بیمار افراد کو خاص طور پر اسموگ کے مضر اثرات سے محفوظ رکھیں، ڈی سی لاہور نے کہا کہ صحت کا خیال رکھنا اولین ترجیح ہے. انہوں نے کہا کہ فضائی آلودگی شہریوں میں صحت مسائل کا باعث بن سکتی ہے، ڈی سی لاہور سید موسیٰ رضا نے کہا کہ صاف اور صحت مند ماحول کے لیے سخت اقدامات جاری ہیں.
