پنجاب ریونیو اتھارٹی کی انفورسمنٹ ٹیموں نے ٹیکسز کی عدم ادائیگی اور پی او ایس بلز نہ دینے پر کارروائیاں کیں۔ تفصیلات کے مطابق مختلف کاروباری مراکز، ریسٹورنٹس، بیوٹی سیلونز، ایستھیٹک کلینکس اور دیگر سروس سیکٹر یونٹس کا معائنہ کیا گیا۔ انفورسمنٹ ٹیموں نے لاہور میں معروف فوڈ چین کیخلاف ٹیکس ادائیگی میں خردبرد کرنے پر کارروائی کرتے ہوئے ریکارڈ ضبط کر لیا۔ علاوہ ازیں راولپنڈی میں سیلز ٹیکس کی عدم ادائیگی پر 5 بلڈنگز سربمہر کردی گئیں۔ ترجمان پی آر اے کا کہنا تھا کہ ٹیکس چوری کی روک تھام کیلئے پی او ایس رسیدوں کا اجراء لازم ہے۔ چیئرمین پی آر اے معظم اقبال سپرا کی ہدایت پر سنگین خلاف ورزیوں میں ملوث کاروباری مراکز کو سربمہر جائے گا۔ صوبے میں ٹیکس نیٹ کی توسیع اور شفاف کاروباری ماحول کے فروغ کیلئے بروقت ٹیکس ادائیگی ضروری ہے۔
