چیئرمین پنجاب ریونیو اتھارٹی معظم اقبال سپرا سے ٹریول ایجنٹس ایسوسی ایشن آف پاکستان کے نمائندگان نے ملاقات کی۔ ٹریول ایجنٹس اور ٹور آپریٹرز سے متعلق پنجاب سیلز ٹیکس آن سروسز کے معاملات پر تفصیلی تبادلہ خیال کیا گیا۔ ایسوسی ایشن نمائندگان نے ٹیکس رجسٹریشن، ریٹرن فائلنگ اور ٹیکس سے متعلق دیگر مسائل سے آگاہ کیا۔ چیئرمین پی آر اے کا کہنا تھا کہ کاروباری برادری اور ٹیکس اتھارٹی کے درمیان باہمی رابطہ ٹیکس نظام کو مزید مؤثر بنانے کیلئے ضروری ہے۔ بزنس کمیونٹی کے جائز مسائل کے حل کیلئے ہر ممکن تعاون فراہم کیا جائے گا۔ ٹیکس دہندگان کی سہولت کیلئے ڈیجیٹل اور آن لائن سسٹمز سے کے ساتھ ساتھ آگاہی سیشنز کا بھی انعقاد کروایا جائے گا۔ وفد ارکان نے ٹیکس کمپلائنس، شفاف کاروباری طریقہ کار اور درست ٹیکس ادائیگی بارے آگاہی بڑھانے پر اتفاق کیا۔ پی آر اے اور ٹریول ایجنٹس ایسوسی ایشن کے درمیان مسلسل رابطے اور آگاہی کیلئے کمیٹی تشکیل دے دی گئی۔ وفد نمائندگان نے ٹیکس نظام کو آسان اور کاروباری طبقے کیلئے مزید سہل بنانے کے حوالے سے تجاویز پیش کیں۔ معظم اقبال سپرا نے واضح کیا کہ وزیر اعلیٰ پنجاب کی ہدایت پر ٹیکس دہندگان کو سہولیات کی فراہمی اور ان کے اعتماد کا فروغ اولین ترجیحات میں شامل ہے۔
چیئرمین پنجاب ریونیو اتھارٹی معظم اقبال سپرا سے ٹریول ایجنٹس ایسوسی ایشن آف پاکستان کے نمائندگان کی ملاقات
