چیئرمین پنجاب ریونیو اتھارٹی معظم اقبال سپرا سے سیالکوٹ چیمبر آف کامرس کے وفد نے ملاقات کی۔ سیالکوٹ چیمبر آف کامرس کے وفد نے کاروباری طبقے کو درپیش مسائل بارے تفصیلی تبادلہ خیال کیا۔ اجلاس میں کاروباری برادری کی ٹیکس ادائیگیوں سے متعلق قابل عمل تجاویز کا جائزہ لیا گیا۔ چیئرمین پی آر اے کا کہنا تھا کہ رضاکارانہ ٹیکس ادائیگی کے رجحان کے فروغ کیلئے سرکاری اداروں اور چیمبرز کی کوآرڈی نیشن ازحد ضروری ہے۔کاروباری افراد کو درپیش مسائل کا ادراک جبکہ کمیونٹی کو قوانین کے بارے میں آگاہی ہونا چاہیے۔ وفد ارکان کا کہنا تھا کہ ٹیکس ادائیگی میں جعلسازی اور دھوکہ دہی کرنیوالے افراد ملک کے ساتھ مخلص نہیں۔معظم اقبال سپرا نے واضح کیا کہ کاروباری برادری کو سہولیات کی فراہمی حکومت پنجاب کی ترجیحات میں شامل ہے۔ ٹیکس نظام میں شفافیت اور جدید ٹیکنالوجی کے استعمال کو فروغ دیا جا رہا ہے۔
*چیئرمین پنجاب ریونیو اتھارٹی معظم اقبال سپرا سے سیالکوٹ چیمبر آف کامرس کے وفد کی ملاقات*
