شہریوں کی سہولت اور شفاف ٹیکس ادائیگی کیلئے پنجاب ریونیو اتھارٹی سرگرم۔۔پنجاب ریونیو اتھارٹی نے صوبہ بھر کے ہوٹلز، ریسٹورنٹس اور کافی شاپس میں صارفین کیلئے ہدایات نامہ جاری کردیا۔پنجاب کے ریسٹورنٹس، ہوٹلز میں کچن آرڈر، غیر ادا شدہ، پری یا عارضی بل جاری کرنا ممنوع ہوگا۔تمام فوڈ چینز، ریسٹورنٹس اور کافی شاپ نمایاں جگہ پر آویزاں کرنے کے پابند ہوں گے۔ ترجمان پی آر اے کے مطابق ریسٹورنٹس اور ہوٹلز سے خدمات لیتے وقت ڈیجیٹل رسید ضرور حاصل کریں، کاروباری ادارہ ڈیجیٹل یا کارڈ ادائیگی سے انکار کرے تو شہری شکایت درج کروائیں، صرف ادائیگی کے بعد ہی رسید حاصل کریں۔ رسید پر کاروباری نام، پتہ اور پی این ٹی این ضرور چیک کریں۔ ڈیجیٹل رسید پر آرڈر کی تفصیل، ٹیکس کی شرح، ٹیکس سے پہلے رقم اور کل رقم درج ہونا لازم ہوگا۔ ڈیجیٹل رسید پر پی آر اے انوائس نمبر اور پی آر اے کیو آر کوڈ بھی موجود ہونا چاہیے۔ رسید پر درج پی آر اے کیو آر کوڈ کے ذریعے تفصیلات کی تصدیق کی جا سکتی ہے۔ ٹیکس ادائیگی میں شفافیت کیلئے شہری ڈیجیٹل رسید کا حصول یقینی بنائیں۔ڈیجیٹل ادائیگی سے انکار کی صورت میں شہری پی آر اے کو فوری شکایت درج کرائیں۔ شکایات کیلئے پی آر اے سوشل میڈیا سائٹس، سہولت ایپلی کیشن یا واٹس ایپ 0000772-0343 پر رابطہ کریں۔ صوبے کی ترقی اور خوشحالی کیلئے اپنے ادا کردہ ٹیکس کی حفاظت یقینی بنائیں۔
*پنجاب کے ریسٹورنٹس،ہوٹلز میں کچن آرڈر،غیر ادا شدہ، پری یا عارضی بل جاری کرنا ممنوع ہوگا۔*
