وزیر اعلیٰ خیبر پختونخوا محمد سہیل آفریدی سے سینیٹ کی قائمہ کمیٹی برائے بین الصوبائی رابطہ کے وفد نے ملاقات کی، وفد نے وزیراعلیٰ محمد سہیل آفریدی کو منصب سنبھالنے پر مبارکباد پیش کی۔ملاقات میں پنجاب حکومت کی جانب سے گندم کی آزاد نقل و حرکت پر پابندیوں کا معاملہ زیرِ غور آیا۔وزیر اعلٰی خیبر پختونخوا محمد سہیل آفریدی نے کہا کہ آرٹیکل 151 کے تحت بین الصوبائی تجارت تمام صوبوں کا آئینی حق ہے، کسی صوبے کو خوراک اور اجناس کی ترسیل روکنے کا کوئی اختیار نہیں، سیاسی اختلافات اپنی جگہ مگر عوام کے رزق پر سیاست نہیں ہونی چاہیے، گندم کے مسئلے کے حل کے لیے بین الصوبائی ہم آہنگی ضروری ہے۔وزیراعلیٰ نے وفد کو خیبر پختونخوا کے عوام کا سفیر قرار دیا۔ وفد میں سینیٹر دلاور خان، محسن عزیز، نسیمہ احسان، ناصر محمود، ہدایت اللہ خان، نیاز احمد اور مصدق مسعود سمیت دیگر ارکان شریک تھے۔ ملاقات میں مشیر خزانہ مزمل اسلم، سیکرٹری خوراک شاہ محمود اور دیگر حکام شریک تھے۔
عوام کے رزق پر سیاست نہیں ہونی چاہیے، گندم کے مسئلے کے حل کے لئے بین الصوبائی ہم آہنگی ضروری ہے،محمد سہیل آفریدی
