کمشنر لاہور زید بن مقصود کی زیر صدارت لاہور کے حوالے سے بریفنگ اجلاس منعقد ہوا۔ کمشنر لاہور نے انسداد پولیو، ڈینگی، سموگ، وزیر اعلی پنجاب لاہور ری ویمپنگ پروگرام، ریونیو کیسز اور پرائس کنٹرول پر بریفنگ لی۔ ڈی سی لاہور رافعہ حیدر نے بریفنگ دی۔کمشنر لاہور کو بریفنگ میں بتایا گیا کہ لاہور کی 5تحصیلوں میں 25ریونیو سرکلز اور 251 پٹوار سرکلز کام کررہے ہیں۔ لاہور کے 9رجسٹرار آفسز میں سے 5 کو ای رجسٹری سنٹرز پر منتقل کردیا گیا ہے۔ بریفنگ میں بتایا گیا کہ جنوری 2024 سے ابتک ای رجسٹری سنٹرز سے 14ہزار 556 رجسٹریاں ہوچکی ہیں۔ کمشنر لاہور زید بن مقصود نے کہا کہ پولیو مہم کیلئے لاہور کی 274 یونین کونسلزسمیت جھگیوں، ٹریولنگ پوائنٹس کو مکمل فوکس کیا جائے۔ کمشنر لاہور نے کہا کہ انسداد ڈینگی میں کچھ جگہوں سے فیک رپورٹنگ کی وجوہات کا تعین کیا جائے۔ ٹریننگ کرائیں۔
کمشنرلاہور زید بن مقصود نے کہا کہ وزیر اعلی پنجاب کا
صفائی، عوام کی سہولت کیلئے ترقیاتی کاموں اور اشیائے خورونوش کی قیمتوں پر کنٹرول پر مکمل فوکس ہے۔ کمشنر لاہور کو بریفنگ میں بتایا گیا کہ پنجاب لاہور ری ویمپنگ پروگرام کیلئے سکیموں کی جی آئی ایس میپنگ کل تک سوفیصد ہو جائیگی۔ کمشنر لاہور نے کہا کہ وزیراعلی پنجاب لاہور ری ویمپنگ پروگرام کو میپنگ، ڈیش بورڈ کی مدد سے ڈیڈ لائنز کے مطابق مکمل کیا جائیگا۔
