وزیراعلی خیبر پختونخوا علی امین خان گنڈاپور کی زیر صدارت خیبر پختونخوا کلچر اینڈ ٹوارزم اتھارٹی کے بورڈ آف ڈائریکٹرز کا اجلاس منعقدہوا. صوبائی کابینہ اراکین زاہد چن زیب، بریگیڈیئر (ر) مصدق عباسی ، ایڈیشنل چیف سیکریٹری پلاننگ و ڈویلپمنٹ کے علاؤہ دیگر بورڈ ممبران نے شرکت کی۔بورڈ اجلاس میں مختلف ایجنڈا آئٹمز پر غور و خوض کے بعد اہم فیصلے کئے۔ وزیر اعلیٰ خیبر پختونخوا نےٹورازم پولیس کے اہلکاروں کو مستقل کرنے کا اعلان کیا۔بورڈ اجلاس میں ٹوارزم پولیس کے اہلکاروں کی ماہانہ تنخواہ 36 ہزار روپے سے بڑھا کر 45 ہزار روپے کرنے کی منظوری دی گئی۔ ٹوارزم پولیس کو مزید مستحکم کرنےکے لیے مزید ہیوی بائیکس اور کمیونیکیشن گیجٹس بھی فراہم کرنے کا فیصلہ کیا گیا۔
وزیر اعلیٰ نے محکمہ سیاحت کے حکام کو مزید سیاحتی مقامات دریافت کرنے کے لیے بھی اقدامات کی ہدایت کی۔ علی امین گنڈاپور نے کہا کہ اگلے مالی سال کے بجٹ میں کم از کم چار نئے سیاحتی مقامات کو ڈیویلپ کرنے کے منصوبے شامل کیے جائیں، گزشتہ سیزن میں ڈیڑھ کروڑ ملکی اور غیر ملکی سیاحوں نے خیبر پختونخوا کا رخ کیا، سیاحوں کی بڑھتی ہوئی تعداد کے پیش نظر صوبے میں نئے سیاحتی مقامات کو ایکسپلور کرنے کی ضرورت ہے۔
وزیر اعلیٰ کی ٹھنڈیانی انٹیگریٹڈ ٹورازم زون کے ماسٹر پلان میں ضروری ترامیم کر کے مشتہر کرنے اور انٹیگریٹڈ ٹوارزم زونز کے لیے رابطہ سڑکوں کی بیک وقت تعمیر کے لیے اقدامات کی ہدایت ،انہوں نے کہا کہ سیاحت کا شعبہ ترجیحی شعبوں میں شامل ہے، اس شعبے میں روزگار اور سرمایہ کاری کی وسیع استعداد موجود ہے۔ اجلاس میں بورڈ آف ڈائریکٹرز کے تحت فنانس اور ایچ آر کمیٹیوں کی بھی منظوری، فورم کی آؤٹ سورسنگ و انویسٹمنٹ اور کلچر کمیٹیوں کے قیام کی بھی ہدایت کی گئی۔
