ڈپٹی ڈائریکٹر لوکل گورنمنٹ اینڈ کمیونٹی ڈویلپمنٹ فیصل آباد محمد شہزاد اکرم نے ہمراہ نادیہ فاطمہ اسسٹنٹ ڈائریکٹر لوکل گورنمنٹ تحصیل سٹی ،یونین کونسل نمبر 144تحصیل سٹی کی اچانک انسپکشن کی۔دفتر میں سیکرٹری یونین کونسل کی غیرحاضری اور غیر متعلقہ عملہ کی موجودگی کا نوٹس لیتے ہوے سیکرٹری یونین کونسل کو معطل کر دیا اور مزید محکمانہ کاروائ کے لیے مراسلہ ارسال کردیا۔ انہوں نے کہا کہ دفتری اوقات کار کی پابندی کو ہر صورت یقینی بنائیں جبکہ درخواست گزاروں کو برتھ،دیتھ،میرج،طلاق کے سرٹیفیکیٹس کے اجراء میں شفافیت پر کوئی سمجھوتہ نہیں ہوگا۔انہوں نے PSER کے تحت فیملز رجسٹریشن کو رفتار کو سست ہونے پر رجسٹریشن انڑن کو بھی وارننگ جاری کی۔ انہوں نے ہدایت کرتے ہوئے کہا کہ یونین کونسلز کے دفاتر کو حقیقی معنوں میں عوامی خدمت کے دفاتر بنانا ترجیح ہے۔انہوں نے واضح کیا کہ ڈپٹی کمشنر کیپٹن (ر)ندیم ناصر کی ہدایات پر یونین کونسلز کے دفاتر کی اچانک انسپکشن کا عمل جاری رہے گا۔
